കൈപ്പട്ടൂര്‍: മലങ്കര സഭയുടെ വിദ്യാഭ്യാസ സ്ഥാപനങ്ങളിലെ പഠന സൗകര്യങ്ങള്‍ വിദ്യാര്‍ത്ഥികള്‍ക്ക് ബുദ്ധിമുട്ട് ഉണ്ടാകാതെ പൊതുജനങ്ങള്‍ക്കും ലഭ്യമാക്കാന്‍ നടപടികള്‍ കൈക്കൊളളുമെന്ന് പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ. കൈപ്പട്ടൂര്‍ സെന്റ് ഗ്രീഗോറിയോസ് സീനിയര്‍ സെക്കണ്ടറി സ്‌ക്കൂളിന്റെ നവീകരിച്ച കമ്പ്യൂട്ടര്‍ ലാബിന്റെ സമര്‍പ്പണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. തുമ്പമണ്‍ ഭദ്രാസനാധിപന്‍ അഭി. കുര്യാക്കോസ് മാര്‍ ക്ലീമ്മീസ് മെത്രാപ്പോലീത്താ അദ്ധ്യക്ഷത വഹിച്ചു. സ്‌ക്കൂള്‍ മാനേജര്‍ ഫാ. ലിറ്റോ ജേക്കബ്, റോഷ് വി കുര്യാക്കോസ്, ഫാ. ജിബു സി ജോയി, ജോര്‍ജ് വര്‍ഗീസ്, ഡി.കെ മാത്യൂ, ബീന വര്‍ഗീസ് എന്നിവര്‍ പ്രസംഗിച്ചു. ആധുനിക സജ്ജീകരണങ്ങളോടുകൂടിയ ലാബില്‍ 30 കമ്പ്യൂട്ടറുകളാണുളളത്. 19 ലക്ഷം രൂപാ മുടക്കിയാണ് ലാബ് നവീകരിച്ചത്.
മലങ്കര സഭയുടെ വിദ്യാഭ്യാസ സ്ഥാപനങ്ങളിലെ പഠന സൗകര്യങ്ങള്‍ പൊതുജനങ്ങള്‍ക്കും ലഭ്യമാക്കും – പരിശുദ്ധ കാതോലിക്കാ ബാവാ
