കോട്ടയം: ഇന്ത്യന്‍ ഭരണഘടനക്കും നീതിന്യായ വ്യവസ്ഥിതിക്കും വിധേയമായി ജനസേവനം നടത്തേണ്ട ജനപ്രതിനിധികള്‍ കോതമംഗലം ചെറിയ പളളിക്കേസിലെ കോടതി വിധി നടത്തിപ്പിനെതിരെ ഉപവാസ സമരം പ്രഖ്യാപിക്കുന്നത് അപഹാസ്യമെന്ന് മലങ്കര ഓര്ത്തഡോക്സ് സഭാ വക്താവ് ഫാ. ഡോ. ജോണ്‍സ് എബ്രഹാം കോനാട്ട്. വോട്ടിന് വേണ്ടി പക്ഷപാതപരമായ പ്രീണനത്തില്‍ നിന്ന് ഭരണഘടനാപരമായ ഉത്തരവാദിത്വത്തിലേക്ക് അവര്‍ മാറണം. വിവിധ സമര പരിപാടികളുമായി സര്‍ക്കാരിനെ സമ്മര്‍ദ്ദത്തിലാക്കി കോടതി വിധി അട്ടിമറിക്കാനുളള ശ്രമം അപലപനീയമാണ്. നിലവിലുളള കോടതി വിധികള്‍ക്ക് വിധേയമായി സമാധാനപരമായ അന്തരീക്ഷത്തില്‍ പ്രശ്‌നം പരിഹരിക്കുന്നതിനുളള എല്ലാ ശ്രമങ്ങളെയും ഓര്ത്തഡോക്സ് സഭ സ്വാഗതം ചെയ്യുന്നതായി അദ്ദേഹം പറഞ്ഞു.
കോടതി വിധിക്കെതിരെയുളള ഉപവാസം അപഹാസ്യം – ഓര്ത്തഡോക്സ് സഭ
