കോട്ടയം: അര്‍മീനീയന്‍ ഓര്‍ത്തഡോക്‌സ് സഭയുടെ ഓസ്‌ട്രേലിയ-ന്യൂസിലന്റ് ഭദ്രാസനത്തിന്റെ ആര്‍ച്ച് ബിഷപ് അഭിവന്ദ്യ ഹൈഗാസൂന്‍ നജാരിയാൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവായുമായി ഓർത്തഡോക്സ് സഭാ ആസ്ഥാനമായ ദേവലോകം അരമനയിൽ കൂടിക്കാഴ്ച നടത്തി. ഇരുവരും പരസ്പരം ഉപഹാരങ്ങൾ കൈമാറി. സഖറിയാ മാർ നിക്കോളോവോസ് മെത്രാപ്പോലീത്താ, സഭാ വക്താവ് ഫാ.ഡോ.ജോൺസ് എബ്രഹാം കോനാട്ട്, എക്യുമെനിക്കൽ ഡിപ്പാർട്ട്‌മെന്റ് സെക്രട്ടറി ഫാ. അശ്വിൻ ഫെർണാണ്ടസ് എന്നിവരും പങ്കെടുത്തു.
ഒരു മണിക്കൂറോളം പരിശുദ്ധ ബാവായുമായി കൂടിക്കാഴ്ച നടത്തിയ ആർച്ച് ബിഷപ്പ് ഓർത്തഡോക്സ് സഭാ സുന്നഹദോസിനെ അഭിസംബോധന ചെയ്ത ശേഷമാണ് മടങ്ങിയത്. മെത്രാപ്പോലീത്താ സ്ഥാനാരോഹണവുമായി ബന്ധപ്പെട്ട് അർമീനീയൻ ഓർത്തഡോക്സ് സഭയെ പ്രതിനിധീകരിച്ചാണ് അദ്ദേഹം കേരളത്തിൽ എത്തിയത്.