കോട്ടയം: എത്യോപ്യന്‍ ഓര്‍ത്തഡോക്‌സ് സഭയുടെ ആര്‍ച്ച് ബിഷപ്പ് ആബൂനാ തീമോത്തിയോസിന്റെ ദേഹവിയോഗത്തില്‍ മലങ്കര ഓര്‍ത്തഡോക്‌സ് സഭയുടെ പ്രധാന മേലദ്ധ്യക്ഷന്‍ പരിശുദ്ധ ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ കാതോലിക്കാ ബാവാ അനുശോചിച്ചു. പരിശുദ്ധ കാതോലിക്കാ ബാവ എത്യോപ്യന്‍ സഭാ തലവന്‍ ആബൂന മഥിയാസ് പ്രഥമന് പാത്രിയര്‍ക്കീസിന് അയച്ച അനുശോചന സന്ദേശം ആബൂനാ തീമോത്തിയോസിന്റെ കബറടക്ക ശുശ്രൂഷാ മദ്ധ്യേ വായിച്ചു. ഓര്‍ത്തഡോക്‌സ് സഭയുമായി ഊഷ്മളമായ ബന്ധം പുലര്‍ത്തിയിരുന്നു ആബൂനാ തീമോത്തിയോസ് 2008-ല്‍ മലങ്കര ഓര്‍ത്തഡോക്‌സ് സഭയുടെ പളളികള്‍ സന്ദര്‍ശിച്ചിരുന്നു.