കോട്ടയം: മലങ്കര ഓർത്തഡോക്സ് സുറിയാനി സഭയുടെ നവാഭിഷിക്തനായ പരിശുദ്ധ ബസേലിയോസ് മാർത്തോമാ മാത്യൂസ് തൃതിയൻ കതോലിക്കാ ബാവാ തിരുമേനിക്ക് മാതൃ മെത്രാസനവും, ബാവാ മെത്രാപ്പോലീത്തായുമായ കോട്ടയം മെത്രാസനം 09/11/2021 (ചൊവ്വാഴ്ച്ച) സ്വീകരണം നൽകും. മെത്രാസന കത്തീഡ്രലായ പാമ്പാടി സെൻറ് ജോൺസ് കത്തീഡ്രലിൽ 1.30പി.എം ന് എത്തിച്ചേരുന്ന ബാവാ തിരുമേനി കത്തീഡ്രൽ പള്ളിയിൽ സ്വീകരണം ഏറ്റുവാങ്ങി ധൂപപ്രാർത്ഥന നടത്തും. 1.45 പി.എം ന് കത്തീഡ്രൽ പള്ളിയിൽ നിന്ന് മെത്രാസനത്തിലെ വൈദീകരുടെയും, പള്ളികളുടെയും, ആദ്ധ്യാത്മിക സംഘടനകളുടെയും, മെത്രാസന കൗൺസിലംഗ ങ്ങളുടെയും സഭാ മാനേജിങ്ങ്കമ്മറ്റി അംഗങ്ങളുടെയുംനേതൃത്വത്തിൽ പരിശുദ്ധ ബാവാ തിരുമേനിയെ സ്വീകരിച്ചുകൊണ്ടുള്ളവാഹനഘോഷയാത്ര പാമ്പാടി മാർ കുറിയാക്കോസ് ദയറായിലേക്ക് ആരംഭിക്കും. 2.45 ന് ദയറായിൽ എത്തി ധൂപപ്രാർത്ഥന നടത്തും. 3.00 പി.എം ന് പി.സി.യോഹന്നാൻ റമ്പാൻ മെമ്മോറിയൽ ഹാളിൽ മെത്രാസന സഹായ മെത്രാപ്പോലീത്താ അഭിവന്ദ്യ. ഡോ.യൂഹാനോൻ മാർ ദീയസ്ക്കോറോസ് തിരുമേനിയുടെ അദ്ധ്യക്ഷതയിൽ കൂടുന്ന അനുമോദന സമ്മേളനം കാഞ്ഞിരപ്പള്ളി രൂപതാ ബിഷപ്പ് മോസ്റ്റ് .റവറന്റ് മാത്യു അറയ്ക്കൽ ഉത്ഘാടനം ചെയ്യും. ഗാന്ധി യൂണിവേഴ്സിറ്റി മുൻ വൈസ് ചാൻസലർ ശ്രീ സിറിയക് തോമസ് മുഖ്യ പ്രഭാഷണം നടത്തും. അഭിവന്ദ്യ കുറിയാക്കോസ് മാർ ക്ലീമീസ് മെത്രാപ്പോലീത്താ, ബിഷപ്പ് തോമസ് .കെ.ഉമ്മൻ, വാഴൂർ തീർത്ഥപാദാശ്രമം മഠാധിപതി സ്വാമി പ്രജ്ഞനാനന്ദ തീർഥപാദർ എന്നിവർ അനുഗ്രഹ പ്രഭാഷണങ്ങൾ നടത്തും.തോമസ് ചാഴിക്കാടൻ എം.പി,തിരുവഞ്ചൂർ രാധാകൃഷ്ണൻ എം.എൽ.എ. ഗാന്ധി യൂണിവേഴ്സിറ്റി സിൻഡിക്കേറ്റ് മെമ്പർ അഡ്വ.റെജി സഖറിയ, വൈദിക ട്രസ്റ്റി ഫാ.ഡോ.എം.ഒ.ജോൺ, അസോസിയേഷൻ സെക്രട്ടറി അഡ്വ ബിജു ഉമ്മൻ എന്നിവർ ആശംസാ പ്രസംഗങ്ങൾ നടത്തും. പരിശുദ്ധ ബാവാ തിരുമനസ്സിൻ്റെ നന്ദി പ്രസംഗത്തിനു മുൻപായി മെത്രാസനത്തിൻ്റെയും ആദ്ധ്യാത്മിക സംഘടനകളുടെയും ഉപഹാരങ്ങൾ നൽകും. പരിശുദ്ധ ബാവാ തിരുമനസ്സിൻ്റെ ആശീർവാദത്തോടും, കാതോലിക്കാമംഗളഗാനത്തോടും കൂടി യോഗം സമാപിക്കും എന്ന് മെത്രാസന സെക്രട്ടറി ഫാ.പി.കെ.കുറിയാക്കോസ് പണ്ടാരക്കുന്നേൽ, പാമ്പാടി ദയറാ മാനേജർ ഫാ.മാത്യു.കെ.ജോൺ എന്നിവർ അറിയിച്ചു