കോട്ടയം : എന്‍ജിനീയറിങ് പഠനത്തിനു 2 കോടി രൂപയുടെ സ്‌കോളര്‍ഷിപ് മലങ്കര ഓര്‍ത്തഡോക്‌സ് സുറിയാനി സഭ ഏര്‍പ്പെടുത്തി. സഭയുടെ ഉടമസ്ഥതയിലുള്ള പിരുമേട് മാര്‍ ബസേലിയോസ് ക്രിസ്ത്യന്‍ കോളജ് ഓഫ് എന്‍ജിനിയറിങ് ആന്‍ഡ് ടെക്‌നോളജിയില്‍ ഈ അധ്യയന വര്‍ഷം പ്രവേശനം നേടുന്ന, പഠനത്തില്‍ മികവുള്ളവരും സാമ്പത്തികമായി പിന്നാക്കാവസ്ഥയി ലുള്ളവരുമായ പ്ലസ് ടു സയന്‍സ് വിദ്യാര്‍ഥികള്‍ക്കാണു സ്‌കോളര്‍ഷിപ് ലഭിക്കുക.
സ്‌കോളര്‍ഷിപ് പരീക്ഷയില്‍ മികച്ച വിജയം നേടുന്നവര്‍ക്ക് ഫീസിളവുകളോടു കൂടി മെക്കാനിക്കല്‍, സിവില്‍, ഇലക്‌ട്രോണിക്‌സ് ആന്‍ഡ് കമ്യൂണിക്കേഷന്‍, ഇലക്ട്രിക്കല്‍, കംപ്യൂട്ടര്‍ സയന്‍സ് ബ്രാഞ്ചുകളില്‍ പ്രവേശനം നേടാം.
ഓണ്‍ലൈന്‍ വഴിയാണ് പരീക്ഷ. ആറ് സെന്ററുകള്‍ ഇതിനായി ക്രമീകരിച്ചിട്ടുണ്ട്. ഓഗസ്റ്റ് 7 ന് മലബാര്‍ (91764 92110), എറണാകുളം (9961510339), കോട്ടയം (94968 02908) സെന്ററുകളിലും 8ന് ഇടുക്കി (9846916751), പത്തനംതിട്ട (9567620923), തിരുവനന്തപുരം (9944606728) സെന്ററുകളിലും പരീക്ഷ നടക്കും. ഫോണ്‍: 9072200344, 7559933571. ഓണ്‍ലൈനായി റജിസ്റ്റര്‍ ചെയ്യാന്‍: www.mbcpeermade.com