മൂവാറ്റുപുഴ: സപ്തതിയിലേക്ക് പ്രവേശിക്കുന്ന ഡോ. തോമസ് മാര്‍ അത്താനാസിയോസിനു ജന്മദിനാശംസകള്‍ നേര്‍ന്നു വിശ്വാസ സമൂഹം. ജന്മദിനാശംസകള്‍ നേരാന്‍ ഒട്ടേറ വിശ്വാസികളാണ് കണ്ടനാട് ഈസ്റ്റ് ഭദ്രാസന ആസ്ഥാനത്തും ദേവാലയത്തിലും എത്തിയത്.
സപ്തതി ആഘോഷത്തിന്റെ ഭാഗമായി ചേര്‍ന്ന അനുമോദന സമ്മേളനം മാത്യു കുഴല്‍നാടന്‍ എം.എല്‍.എ ഉദ്ഘാടനം ചെയ്തു. തോമസ് പോള്‍ റമ്പാന്‍, കൊച്ചുപറമ്പില്‍ ഗീവര്‍ഗീസ് റമ്പാന്‍, ഫാ. ജോണ്‍ വളളിക്കാട്ടില്‍, ഫാ. എബ്രഹാം കാരമേല്‍, ഫാ. ഷിബു കുര്യന്‍, നഗരസഭാധ്യക്ഷന്‍ പി.പി. എല്‍ദോസ്, കൗണ്‍സിലര്‍ രാജശ്രീ രാജു, ഡോ. എം. പി. മത്തായി എന്നിവര്‍ പ്രസംഗിച്ചു.