ദേവലോകം: പരിശുദ്ധ ബസേലിയോസ് ഗീവര്‍ഗീസ് ദ്വിതീയന്‍ കാതോലിക്കാ ബാവായുടെ 58-ാം ഓര്‍മ്മപ്പെരുന്നാളിനോടനുബന്ധിച്ച് പരിശുദ്ധ ബസേലിയോസ് ഔഗേന്‍ പ്രഥമന്‍, പരിശുദ്ധ ബസേലിയോസ് മാര്‍ത്തോമ്മാ മാത്യൂസ് പ്രഥമന്‍, പരിശുദ്ധ ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ എന്നീ കാതോലിക്കാ ബാവാമാരുടെയും സംയുക്ത ഓര്‍മ്മപ്പെരുന്നാള്‍ 2022 ജനുവരി 2, 3 തീയതികളിലായി ആചരിക്കുന്നതിന് പരിശുദ്ധ ബസേലിയോസ് മാര്‍ത്തോമ്മാ മാത്യൂസ് ത്രിതീയന്‍ കാതോലിക്കാ ബാവായുടെ അദ്ധ്യക്ഷതയില്‍ ചേര്‍ന്ന ആലോചനാ യോഗത്തില്‍ തീരുമാനിച്ചു.
സുന്നഹദോസ് സെക്രട്ടറി ഡോ. യൂഹാനോന്‍ മാര്‍ ദീയസ്‌ക്കോറോസ് മെത്രാപ്പോലീത്താ ആമുഖ സന്ദേശം നല്‍കി. പെരുന്നാള്‍ ചടങ്ങുകള്‍ക്ക് വിവിധ കമ്മറ്റികള്‍ രൂപീകരിച്ചു. ഫാ. ഇട്ടി തോമസ് കാട്ടാമ്പാക്കല്‍ ഫാ. കുറിയാക്കോസ് ബേബി എന്നിവര്‍ ജനറല്‍ കണ്‍വീനര്‍മാരായും, ഫാ. സൈബു സഖറിയ, ഫാ. തോമസ് ജോര്‍ജ്, ഫാ. മോഹന്‍ ജോസഫ്, ഫാ. ജോണ്‍ ശങ്കരത്തില്‍, ഫാ. ഡോ. വര്‍ഗീസ് വര്‍ഗീസ്, ഫാ. മാത്യൂ കോശി, ഫാ. ജോസഫ് കുര്യന്‍, ഫാ. ബിനു മാത്യു ഇട്ടി എന്നിവരെ വിവിധ കമ്മറ്റികളുടെ ചുമതലക്കാരായി തെരഞ്ഞെടുത്തു. ദേവലോകം അരമന മാനേജര്‍ ഫാ. യാക്കോബ് തോമസ് പെരുന്നാള്‍ ക്രമീകരണങ്ങള്‍ക്ക് നേതൃത്വം നല്‍കും.