കോട്ടയം: മലങ്കര ഓര്‍ത്തഡോക്‌സ് സുറിയാനി സഭയുടെ ഉടമസ്ഥതയിലുള്ള എം. ഡി. കൊമേഴ്‌സ്യല്‍ സെന്‍റര്‍ കെട്ടിടങ്ങളുടെ രണ്ടാം ഘട്ട നിര്‍മ്മാണ ഉദ്ഘാടനം സെപ്റ്റംബര്‍ 14-ന് ഉച്ചകഴിഞ്ഞ് 3 മണിക്ക് പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ നിര്‍വ്വഹിക്കും. കോട്ടയം ബസേലിയോസ് കോളജിന് കിഴക്ക് വശത്ത് കെ. കെ. റോഡിന് അഭിമുഖമായി സ്ഥിതി ചെയ്യുന്ന രണ്ട് കെട്ടിടങ്ങളുടെയും മുകളില്‍ ഒരു നില കൂടി നിര്‍മ്മിക്കുന്നതിനുള്ള അനുമതിയാണ് ലഭിച്ചിട്ടുള്ളത്. 6 മാസങ്ങള്‍ കൊണ്ട് നിര്‍മ്മാണം പൂര്‍ത്തിയാക്കാനാണ് ഉദ്ദേശിക്കുന്നതെന്ന് എം.ഡി.സി.സി. ഉപസമിതി കണ്‍വീനര്‍ എ. കെ. ജോസഫ് അറിയിച്ചു.