കോട്ടയം: എലിസബത്ത് രാജ്ഞിയുടെ വിയോഗത്തിൽ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ അനുശോചിച്ചു. രാജ്ഞിയുടെ വേർപാട് ലോകത്തിനാകമാനം നികത്താനാവാത്ത നഷ്ടമാണ്. ദൈവാശ്രയത്തോടും ഊഷ്മള ബന്ധങ്ങളോടും ബ്രിട്ടീഷ് സാമ്രാജ്യത്തെ അര നൂറ്റാണ്ടിലധികം നയിച്ച രാജ്ഞി പക്വതയുടെയും നിശ്ചയദാർഢ്യത്തിന്റെയും പര്യായമാണ്.
രാജ്ഞിയുടെ വിശിഷ്ടമായ സേവനങ്ങളെ നന്ദിയോടെ ഓർക്കുന്നു. രാജ്ഞിയുടെ വേർപാടിൽ പ്രാർത്ഥനയും ആദരാജ്ഞലികളും ആർപ്പിക്കുന്നു. രാജകുടുംബത്തിന്റെ ദുഃഖത്തിൽ പങ്കുചേരുന്നതായും പരിശുദ്ധ ബാവാ പറഞ്ഞു.