പുത്തൂർ: മലങ്കര ഓർത്തഡോക്സ് സഭ കൊല്ലം മെത്രാസന ബാലസമാജം വാർഷിക സമ്മേളനം പുത്തൂർ കാരിക്കൽ സെന്റ് ജോർജ്ജ് ഓർത്തഡോക്സ് പള്ളിയിൽ വച്ച് നടന്നു.കൊല്ലം മെത്രാസന മെത്രാപ്പോലീത്ത അഭിവന്ദ്യ സഖറിയാ മാർ അന്തോണിയോസ് മെത്രാപ്പോലീത്ത അദ്ധ്യക്ഷത വഹിച്ചു. ബാലസമാജം കേന്ദ്ര പ്രസിഡന്റ് അഭിവന്ദ്യ അലക്സിയോസ് മാർ യൗസേബിയോസ് മെത്രാപ്പോലീത്ത ഉദ്ഘാടനം ചെയ്തു. ഫാ. ടോണി എം. യോഹന്നാൻ ക്ലാസ് നയിച്ചു. ബാലസമാജം കേന്ദ്ര പ്രസിഡന്റ് ആയി നിയമിതനായ അഭിവന്ദ്യ യൗസേബിയോസ് തിരുമേനിയെ അനുമോദിച്ചു. ഫാ. ഇ. പി. വർഗ്ഗീസ്, ഫാ. സോളു കോശി രാജു, ഫാ. ജോയിക്കുട്ടി, ഫാ. മാത്യൂ അലക്സ്, അഭിഷേക് തോമസ്,ഡോ. സൂസൻ അലക്സാണ്ടർ, ബിജു ബേബി എന്നിവർ പ്രസംഗിച്ചു.