കുന്നംകുളം: മലങ്കര ഓര്‍ത്തഡോക്‌സ് സഭയുടെ കുന്നംകുളം ഭദ്രാസനം ഏര്‍പ്പെടുത്തിയ പരിശുദ്ധ പൗലോസ് ദ്വിതീയന്‍ മാനവമിത്ര പ്രഥമ അവാര്‍ഡ് പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവായ്ക്ക് സമ്മാനിച്ചു. കുന്നംകുളം അരമനയില്‍ ചേര്‍ന്ന യോഗത്തില്‍ കുന്നംകുളം ഭദ്രാസന സഹായ മെത്രാപ്പോലീത്താ ഡോ. ഗീവര്‍ഗീസ് മാര്‍ യൂലിയോസാണ് അവാര്‍ഡ് സമ്മാനിച്ചത്. 100001 രൂപയാണ് അവാര്‍ഡ്. കുന്നംകുളം ഭദ്രാസനത്തിന്റെ ആഭിമുഖ്യത്തിൽ നടന്ന പരിശുദ്ധ പൗലോസ് ദ്വിതീയൻ ബാവായുടെ ഓർമ്മപ്പെരുന്നാളിനോടനുബന്ധിച്ചാണ് അവാർഡ് നൽകിയത്.