പരുമല ആശുപത്രിയുടെ സോഷ്യല്‍ ആന്റ് എന്‍വയോണ്‍മെന്റ് റെസ്‌പോണ്‍സിബിലിറ്റി പ്രോഗ്രാമിന്റെ ഭാഗമായി പരുമലയിലെ 4 ഗവണ്‍മെന്റ് & ഗവണ്‍മെന്റ് എയ്ഡഡ് പ്രൈമറി സ്‌കൂളുകളിലെ 53 വിദ്യാര്‍ത്ഥികള്‍ക്ക് പഠനാവശ്യത്തിനായി സ്മാര്‍ട്ട് ഫോണുകള്‍ നല്‍കി. കേരളാ സംസ്ഥാന ആരോഗ്യവകുപ്പ് മന്ത്രി ശ്രീമതി വീണാ ജോര്‍ജ്ജ് ഉദ്ഘാടനം നിര്‍വഹിച്ചു.
കടപ്ര പ്രാഥമികാരോഗ്യ കേന്ദ്രത്തിന് നല്‍കിയ ലാപ് ടോപ്പ് കടപ്ര പഞ്ചായത്ത് പ്രസിഡന്റ് നിഷ അശോകനും ഹെല്‍ത്ത് ഇന്‍സ്‌പെക്ടര്‍ പ്രശാന്തും ചേര്‍ന്ന് ഏറ്റുവാങ്ങി. കോവിഡ് മൂന്നാം തരംഗത്തിന്റെ ഭീഷണി നിലനില്‍ക്കുന്നതിനാല്‍ ചികിത്സയോടൊപ്പം പ്രതിരോധവും അത്യന്താപേക്ഷിതമാണെന്ന് മന്ത്രി വീണാ ജോര്‍ജ്ജ് പറഞ്ഞു. കോവിഡ് മഹാമാരി കാലത്ത് ആരോഗ്യപ്രവര്‍ത്തകരുടെ നിസ്തുലമായ പ്രവര്‍ത്തനത്തെ പ്രശംസിക്കുകയും ചെയ്തു.
മലങ്കര ഓര്‍ത്തഡോക്‌സ് സഭ കണ്ടനാട് വെസ്റ്റ് ഭദ്രാസനാധിപന്‍ അഭി.ഡോ.മാത്യൂസ് മാര്‍ സേവേറിയോസ്, വാര്‍്ഡ് മെമ്പര്‍ വിമല ബെന്നി, ഫാ.ഡോ.റെജി മാത്യൂസ്, പരുമല സെമിനാരി മാനേജര്‍ ഫാ.എം.സി.കുര്യാക്കോസ്, പരുമല ആശുപത്രി സി.ഇ.ഒ. ഫാ.എം.സി.പൗലോസ്, കടപ്ര പഞ്ചായത്ത് മുന്‍ പ്രസിഡന്റ് ഷിബു വര്‍ഗീസ്, ആശുപത്രി സൂപ്രണ്ട് ഡോ. ഷെറിന്‍, ആശുപത്രി കൗണ്‍സില്‍ അംഗങ്ങള്‍ എന്നിവര്‍ സംബന്ധിച്ചു.