വാകത്താനം: നവാഭിഷിക്തനായ സഖറിയ മാര്‍ സേവേറിയോസിന് മാതൃദേവാലയമായ പുത്തന്‍ചന്ത സെന്റ് മേരീസ് ഓര്‍ത്തഡോക്‌സ് പള്ളിയില്‍ സ്വീകരണം നല്‍കി. അനുമോദന സമ്മേളനം മന്ത്രി വീണാ ജോര്‍ജ് ഉദ്ഘാടനം ചെയ്തു.കോട്ടയം ഭദ്രാസന സഹായ മെത്രാപ്പോലീത്താ ഡോ.യൂഹാനോന്‍ മാര്‍ ദിസ്‌കോറസ് അധ്യക്ഷത വഹിച്ചു. ജോസഫ് മാര്‍ ബര്‍ണബാസ് സഫ്രഗന്‍ മെത്രാപ്പോലീത്ത, അര്‍മേനിയന്‍ ഓര്‍ത്തഡോക്‌സ് സഭ ആര്‍ച്ച് ബിഷപ് ഹൈഗാസൂന്‍ നജാറിയാന്‍, മാത്യു കുഴല്‍നാടന്‍ എം.എല്‍.എ, ഫാ.ഡോ.എം.പി. ജോര്‍ജ്, ഫാ.എല്‍ദോ കുര്യാക്കോസ്, വികാരി ഫാ.അലക്‌സ് ജോണ്‍ തുടങ്ങിയവര്‍ പ്രസംഗിച്ചു.
സേവേറിയോസ് തിരുമേനിയുടെ ജന്മനാടായ പുത്തന്‍ചന്തയില്‍ അനുമോദന സമ്മേളനം മന്തി റോഷി അഗസ്റ്റിന്‍ ഉദ്ഘാടനം ചെയ്തു. മുന്‍ മുഖ്യമന്തി ഉമ്മന്‍ ചാണ്ടി അധ്യക്ഷത വഹിച്ചു. ചീഫ് വിപ് എന്‍.ജയരാജ്, ആര്‍ച്ച് ബിഷപ് ഡോ.തോമസ് മാര്‍ കുറിലോസ്, മേരിക്കുട്ടി തോമസ്, വാകത്താനം പഞ്ചായത്ത് പ്രസിഡന്റ് റോസമ്മ മത്തായി, ജില്ലാ പഞ്ചായത്തംഗം സുധ കുര്യന്‍, സിഎസ്ഐ മധ്യകേരള മഹായിടവക സ്വെകട്ടറി ഫാ. നെല്‍സണ്‍ ചാക്കോ, എസ്.എന്‍.ഡി.പി യോഗം ചങ്ങനാശേരി യു ണിയന്‍ പ്രസിഡന്റ് ഗിരീഷ് കോനാട്ട്, പഞ്ചായത്തംഗങ്ങളായ ഷൈനി അനില്‍, എജി പാറപ്പാട്ട്, ജനറല്‍ കണ്‍വീനര്‍ കോരസണ്‍ സഖറിയ, മേജര്‍ പി.ഡി.മാത്യ, വിശ്വകര്‍മ മഹാദേവ ക്ഷ്രേതം പ്രസിഡന്റ് കെ.ടി.രാജു ആചാരി എന്നിവര്‍ പ്രസംഗിച്ചു.