കോട്ടയം : വിദ്യാര്‍ത്ഥികളെ സ്‌നേഹിച്ച പരിശുദ്ധ ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ കാതോലിക്കാ ബാവായ്ക്കുള്ള ഉത്തമ ജന്മദിന സമര്‍പ്പണമാണ് സ്‌നേഹ സ്മരണ സമ്പാദ്യ പദ്ധതിയെന്ന് മന്ത്രി വി.എന്‍ വാസവന്. ദേവലോകം അരമന ഓഡിറ്റോറിയത്തില്‍ നടന്ന സ്‌നേഹ സ്മരണ സമ്പാദ്യ പദ്ധതി സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സുന്നഹദോസ് സെക്രട്ടറി ഡോ. യൂഹാനോന്‍ മാര്‍ ദീയസ്‌കോറസ് മെത്രാപ്പോലീത്താ അധ്യക്ഷത വഹിച്ചു. പദ്ധതിയുടെ ബ്രോഷര്‍ മാര്‍ ദീയസ്‌കോറസ് വി.എന്‍ വാസവന് നല്‍കി പ്രകാശനം ചെയ്തു. അമയന്നൂര്‍ കാരാട്ടുകുന്നേല്‍ സെന്റ് മേരിസ് ഓര്‍ത്തഡോക്‌സ് പള്ളിയാണ് ഈ പദ്ധതി നടപ്പിലാക്കുന്നത്. വികാരി ഫാ. ജേക്കബ് മാത്യൂ ചന്ദ്രത്തില്‍ , ട്രസ്റ്റി കെ.വി വര്‍ഗീസ് കൂവക്കുനേല്‍, പ്രോഗ്രം കോര്‍ഡിനേറ്റര്‍ എം.എം. മാത്യു തൈപറമ്പില്‍ , കുര്യാക്കോസ്.കെ.എബ്രഹാം കാരക്കലോലിക്കല്‍ എന്നിവര്‍ പ്രസംഗിച്ചു.