കോട്ടയം: മലങ്കര ഓര്‍ത്തഡോക്‌സ് സഭയില്‍ 7 പുതിയ മേല്‍പ്പട്ടക്കാരെ തെരഞ്ഞെടുക്കുന്നതിനായി 11 സ്ഥാനാര്‍ത്ഥികള്‍ ഉള്‍പ്പെടുന്ന ലിസ്റ്റ് പ്രസിദ്ധപ്പെടുത്തി. പഴയ സെമിനാരിയില്‍ നിന്നും ഓണ്‍ലൈന്‍ വഴി കൂടിയ മാനേജിംഗ് കമ്മറ്റിയാണ് അസോസിയേഷനിലേക്കുളള സ്ഥാനാര്‍ത്ഥികളെ ഇലക്‌ട്രോണിക്ക് വോട്ടിംഗിലൂടെ തെരഞ്ഞെടുത്തത്.
പട്ടിക ചുവടെ:
ഫാ. എബ്രഹാം തോമസ്, ഫാ. അലക്സാണ്ടര്‍ പി. ഡാനിയേല്‍, ഫാ. എല്‍ദോ ഏലിയാസ്, ഫാ. കൊച്ചുപറമ്പില്‍ ഗീവര്‍ഗീസ് റമ്പാന്‍, ഫാ.ഡോ. റെജി ഗീവര്‍ഗീസ്, ഫാ. പി.സി തോമസ്, ഫാ. ഡോ. വര്‍ഗീസ് കെ. ജോഷ്വാ, ഫാ. വര്‍ഗീസ് പി. ഇടിച്ചാണ്ടി, ഫാ. വിനോദ് ജോര്‍ജ്, ഫാ. യാക്കോബ് തോമസ്, ഫാ. സഖറിയാ നൈനാന്‍.
ഇതില്‍ നിന്നും 7 പേരെയാണ് ഫെബ്രുവരി 25ന് കോലഞ്ചേരിയില്‍ സമ്മേളിക്കുന്ന മലങ്കര സുറിയാനി ക്രിസ്ത്യാനി അസോസിയേഷന്‍ തെരഞ്ഞെടുക്കുക. പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ യോഗത്തില്‍ അധ്യക്ഷത വഹിച്ചു. 198 മാനേജിംഗ് കമ്മറ്റിയംഗങ്ങള്‍ ഓണ്‍ലൈന്‍ വഴി യോഗത്തില്‍ പങ്കെടുത്തു.