കോട്ടയം: കഴിഞ്ഞ ഞായറാഴ്ച കണ്ടനാട് വെസ്റ്റ് ഭദ്രാസനത്തിലെ ആട്ടിന്‍കുന്ന് സെന്റ് മേരീസ് ഓര്‍ത്തഡോക്‌സ് പളളിയില്‍ യാക്കോബായ വിഭാഗം അഴിച്ചുവിട്ട അക്രമസംഭവം നിര്‍ഭാഗ്യകരമെന്ന് ഓര്‍ത്തഡോക്‌സ് സഭ. കോടതി വിധിയനുസരിച്ച് സമാധാനപരമായി ഭരിക്കപ്പെടുന്ന ദേവാലയത്തില്‍ മനഃപൂര്‍വ്വം പ്രശ്ങ്ങള്‍ സൃഷ്ടിക്കുവാനുളള ശ്രമം അപലപനീയമാണെന്ന് സുന്നഹദോസ് സെക്രട്ടറി ഡോ. യൂഹാനോന്‍ മാര്‍ ദീയസ്‌ക്കോറസ് മെത്രാപ്പോലീത്താ. സകല പുരോഹിതരുടെയും ഓര്‍മ്മദിനത്തോടനുബന്ധിച്ച് കബറിങ്കല്‍ ധൂപപ്രാര്‍ത്ഥന നടത്തിയപ്പോള്‍ ആയുധങ്ങള്‍ ഉപയോഗിച്ച് ഗെയിറ്റ് തകര്‍ത്ത് കോമ്പൗണ്ടില്‍ അതിക്രമിച്ച് കടന്ന് ഭീകരാന്തരീക്ഷം സൃഷ്ടിച്ചവര്‍ക്കെതിരെ നിയമനടപടി സ്വീകരിക്കണമെന്ന് അദ്ദേഹം ആവശ്യപ്പെട്ടു.