കുന്നംകുളം: മലങ്കര ഓര്‍ത്തഡോക്‌സ് സഭയുടെ പ്രധാന മേലദ്ധ്യക്ഷനായിരുന്ന കാലം ചെയ്ത പരിശുദ്ധ ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ ബാവായുടെ സമഗ്ര ജീവചരിത്രം കുന്നംകുളം ഭദ്രാസനത്തിന്‍റെ നേതൃത്വത്തില്‍ പ്രസിദ്ധീകരിക്കുന്നു. ജൂലൈ 16-ന് പരിശുദ്ധ പിതാവിന്‍റെ ഒന്നാം ഓര്‍മ്മ പെരുന്നാളിനോട് അനുബന്ധിച്ച് കുന്നംകുളം ആര്‍ത്താറ്റ് അരമന ചാപ്പലില്‍ ‘ഓര്‍മ്മയിലെ പുഞ്ചിരി’ എന്ന പേരിലുള്ള പുസ്തകം ഗോവാ ഗവര്‍ണര്‍ അഡ്വ. പി. എസ്. ശ്രീധരന്‍ പിളള പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവായ്ക്ക് നല്‍കി പ്രകാശനം ചെയ്യും. ഫാ. വര്‍ഗീസ് ലാല്‍ ആണ് പുസ്തകത്തിന്‍റെ ചീഫ് എഡിറ്റര്‍.