കോട്ടയം : 2022 ഫെബ്രുവരി 25 -ന് നടക്കുന്ന മലങ്കര സുറിയാനി ക്രിസ്ത്യാനി അസോസിയേഷന്‍ പൂര്‍ണ്ണമായും കോവിഡ് മാനദണ്ഡങ്ങള്‍ പാലിച്ചുകൊണ്ടായിരിക്കും നടത്തപ്പെടുകയെന്ന് പരിശുദ്ധ കാതോലിക്കാ ബാവാ തിരുമേനി പ്രസ്താവിച്ചു. പങ്കെടുക്കുന്ന എല്ലാ അംഗങ്ങളും രണ്ട് ഡോസ് വാക്‌സിനുകളും നിര്‍ബന്ധമായും സ്വീകരിച്ചിരിക്കേണ്ടതാണ്. പ്രസ്തുത വാക്‌സിന്‍ സര്‍ട്ടിഫിക്കേറ്റ് പ്രവേശന കവാടത്തില്‍ ഹാജരാക്കേണ്ടതാണ്. സര്‍ട്ടിഫിക്കേറ്റ് ഹാജരാക്കാത്തവര്‍ക്ക് സമ്മേളന സ്ഥലത്ത് പ്രവേശനം അനുവദിക്കുന്നതല്ലായെന്ന് പരിശുദ്ധ കാതോലിക്കാ ബാവാ തിരുമേനി അറിയിച്ചു.