പരുമല: മലങ്കര ഓര്‍ത്തഡോക്‌സ് സഭയുടെ നിയുക്ത മെത്രാന്മാരായ ഫാ. എബ്രഹാം തോമസ് (എബ്രഹാം റമ്പാന്‍), ഫാ. പി. സി. തോമസ് (തോമസ് റമ്പാന്‍), ഫാ. വര്‍ഗീസ് ജോഷ്വാ (ഗീവര്‍ഗീസ് റമ്പാന്‍), ഫാ. വിനോദ് ജോര്‍ജ് (ഗീവര്‍ഗീസ് റമ്പാന്‍), ഫാ. റെജി ഗീവര്‍ഗീസ് (ഗീവര്‍ഗീസ് റമ്പാന്‍), ഫാ. സഖറിയാ നൈനാന്‍ (സഖറിയാ റമ്പാന്‍) എന്നിവര്‍ക്ക് പരുമല സെമിനാരിയില്‍ വച്ച് പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവായുടെ മുഖ്യ കാര്‍മികത്വത്തില്‍ സന്യാസത്തിന്റെ പൂര്‍ണ്ണവ്രതമായ റമ്പാന്‍ സ്ഥാനം നല്കി.
വിശുദ്ധ കുര്‍ബ്ബാനമദ്ധ്യേ ആരംഭിച്ച ശുശ്രൂഷകള്‍ക്ക് സഭയിലെ മെത്രാപ്പോലീത്താമാര്‍ സഹകാര്‍മികരായിരുന്നു. മലങ്കര സുറിയാനി ക്രിസ്ത്യാനി അസോസിയേഷന്‍ മെത്രാപ്പോലീത്താ സ്ഥാനത്തേക്ക് തെരഞ്ഞെടുത്ത 7 പേരില്‍ 6 വൈദികര്‍ക്കാണ് റമ്പാന്‍ സ്ഥാനം നല്‍കിയത്. കൊച്ചുപറമ്പില്‍ ഗീവര്‍ഗീസ് റമ്പാനാണ് മെത്രാപ്പോലീത്താ സ്ഥാനത്തേക്ക് തെരഞ്ഞെടുക്കപ്പെട്ട മറ്റൊരാള്‍. ഇവരുടെ മെത്രാപ്പോലീത്താ സ്ഥാനാരോഹണം ജൂലൈ 28-ന് പഴഞ്ഞി സെന്റ് മേരീസ് കത്തീഡ്രലില്‍ നടക്കും.
കോട്ടയം: 2022 ഫെബ്രുവരി 25-ന് കോലഞ്ചേരിയില്‍ വച്ച് കൂടിയ മലങ്കര സുറിയാനി ക്രിസ്ത്യാനി അസ്സോസിയേഷന്‍ യോഗം മെത്രാപ്പോലീത്താ സ്ഥാനത്തേക്ക് തെരഞ്ഞെടുത്ത 7 പേരില്‍, 6 വൈദികര്‍ക്ക് ജൂണ്‍ 2-ന് പരുമല സെമിനാരിയില്‍ വച്ച് റമ്പാന്‍ സ്ഥാനം നല്‍കും. പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ പ്രധാന കാര്‍മികത്വം വഹിക്കും. ഫാ. എബ്രഹാം തോമസ്, ഫാ. പി. സി. തോമസ്, ഫാ. വര്‍ഗീസ് ജോഷ്വാ, ഫാ. വിനോദ് ജോര്‍ജ്, ഫാ. റെജി ഗീവര്‍ഗീസ്, ഫാ. സഖറിയാ നൈനാന്‍ എന്നിവര്‍ക്കാണ് റമ്പാന്‍ സ്ഥാനം നല്‍കുന്നത്.
രാവിലെ 6.15-ന് പ്രഭാത നമസ്ക്കാരം തുടര്‍ന്ന് 7 മണിക്ക് വിശുദ്ധ കുര്‍ബ്ബാന. കുര്‍ബ്ബാന മദ്ധ്യേ നടക്കുന്ന ശുശ്രൂഷയ്ക്ക് സഭയിലെ മെത്രാപ്പോലീത്താമാര്‍ സഹകാര്‍മികരായിരിക്കും. ജൂലൈ 28-ന് പഴഞ്ഞി സെന്റ് മേരീസ് കത്തീഡ്രലില്‍ വച്ചാണ് 7 പേര്‍ക്കും മെത്രാപ്പോലീത്താ സ്ഥാനം നല്‍കുന്നത്.
കോട്ടയം: മലങ്കര ഓര്‍ത്തഡോക്‌സ് സഭയുടെ ആഭിമുഖ്യത്തില്‍ പെന്തിക്കോസ്തി പെരുന്നാളിനോടനുബന്ധിച്ചുള്ള കാത്തിരിപ്പ് യോഗം പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവായുടെ നേതൃത്ത്വത്തില്‍ ജൂണ്‍ 1-ന് രാവിലെ 9 മുതല്‍ 3 വരെ പരുമല പള്ളിയില്‍ നടക്കും. മൂന്നാം മണി നമസ്‌ക്കാരത്തോടെ ആരംഭിക്കുന്ന യോഗത്തില്‍ ഫാ.ഡോ. ടി ജെ ജോഷ്വാ പരിശുദ്ധാത്മാവിനെക്കുറിച്ചുള്ള വേദപരിചയം നടത്തും. വൈദികരുടെ നേതൃത്വത്തിലുള്ള ഗായക സംഘം ഗാനശുശ്രൂഷകള്‍ക്ക് നേതൃത്വം നല്‍കും. 11-ന് ഫാ.ഡോ.ജേക്കബ് കുര്യന്‍ ധ്യാനം നയിക്കും. 12-ന് ഉച്ച നമസ്‌ക്കാരത്തെ തുടര്‍ന്ന് വിദ്യാഭ്യാസ വര്‍ഷാരംഭത്തോട് അനുബന്ധിച്ചുള്ള പ്രത്യേക പ്രാര്‍ത്ഥന ഉണ്ടായിരിക്കും. 2.30-ന് പരിശുദ്ധ കാതോലിക്കാ ബാവാ അനുഗ്രഹ പ്രഭാഷണം നടത്തും. 3-ന് ഒമ്പതാം മണി നമസ്‌കാരത്തോടെ യോഗം സമാപിക്കും.
പരുമല: ആത്മീയതയിലൂടെ പരിശീലിക്കുന്ന സത്യവും ധര്‍മ്മവും നീതിയും സമൂഹത്തില്‍ പകരുന്നതാണ് യഥാര്‍ത്ഥ ആരാധന എന്ന് സാഹിത്യകാരന്‍ ശ്രീ. ബന്യാമീന്‍. അഖില മലങ്കര ഓര്‍ത്തഡോക്‌സ് ശുശ്രൂഷക സംഘം വാര്‍ഷിക ക്യാമ്പില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. ദൈവത്തെ അറിയുകയും അനുഭവിക്കുകയും ചെയ്യുന്നവര്‍ സമൂഹസേവനം നിര്‍വ്വഹിക്കുവാന്‍ നിയോഗം ലഭിച്ചവരാണ്. അള്‍ത്താരയിലെ ആരാധനയുടെ സൗന്ദര്യം സേവനത്തിലൂടെയും കരുണയുടെ ഭാവങ്ങളിലൂടെയും സമൂഹം തിരിച്ചറിയണമെന്നും അദ്ദേഹം പറഞ്ഞു.
ശുശ്രൂഷക സംഘം പ്രസിഡന്റ് യൂഹാനോന്‍ മാര്‍ തേവോദോറോസ് മെത്രാപ്പോലീത്തയുടെ അദ്ധ്യക്ഷതയില്‍ അലക്സിയോസ് മാര്‍ യൗസേബിയോസ് മെത്രാപ്പോലീത്ത ത്രിദിന ക്യാമ്പ് ഉദ്ഘാടനം ചെയ്തു. റവ. കെ.വി. പോള്‍ റമ്പാന്‍, ഫാ. ഡോ. എം. ഒ. ജോണ്‍, അഡ്വ. ബിജു ഉമ്മന്‍, ഫാ. ജോസ് തോമസ് പൂവത്തുങ്കല്‍, റോയി എം. മുത്തൂറ്റ്, ബിജു. വി. പന്തപ്ലാവ് എന്നിവര്‍ പ്രസംഗിച്ചു. ക്യാമ്പ് ശനിയാഴ്ച സമാപിക്കും.
കോട്ടയം: മലങ്കര മെത്രാപ്പോലീത്തായായിരുന്ന പുന്നത്ര ഗീവര്‍ഗീസ് മാര്‍ ദീവന്നാസിയോസിന്റെ 197-ാം ഓര്‍മ്മപ്പെരുന്നാള്‍ അദ്ദേഹം കബറടങ്ങിയിരിക്കുന്ന കോട്ടയം ചെറിയ പളളിയില്‍ മെയ് 18, 19 തീയതികളില്‍ ആചരിക്കും. 18-ന് വൈകിട്ട് 6-ന് സന്ധ്യാനമസ്‌ക്കാരം, തുടര്‍ന്ന് അനുസ്മരണ പ്രസംഗവും കബറിങ്കല്‍ ധൂപ പ്രാര്‍ത്ഥനയും നടത്തപ്പെടും. 19-ന് രാവിലെ 6.45-ന് പ്രഭാത നമസ്‌ക്കാരത്തെ തുടര്‍ന്ന് 7.30-ന് വിശുദ്ധ കുര്‍ബ്ബാന. യു. കെ – യൂറോപ്പ് – ആഫ്രിക്ക ഭദ്രാസനാധിപന്‍ ഡോ. മാത്യൂസ് മാര്‍ തീമോത്തിയോസ് മെത്രാപ്പോലീത്താ കാര്‍മികത്വം വഹിക്കും. പളളിക്ക് ചുറ്റും പ്രദക്ഷിണവും, നേര്‍ച്ചവിളമ്പും ഉണ്ടായിരിക്കും.
കോട്ടയം: ഓഗസ്റ്റ് 4-ന് പത്തനാപുരം മൗണ്ട് താബോര്‍ ദയറാ അങ്കണത്തിലെ തോമാ മാര്‍ ദീവന്നാസ്യോസ് നഗറില്‍ ചേരുന്ന മലങ്കര സുറിയാനി ക്രിസ്ത്യാനി അസോസിയേഷന്‍ പ്രതിനിധികളുടെ പ്രാഥമിക ലിസ്റ്റ് യോഗസ്ഥലത്ത് ഡോ. യാക്കോബ് മാര്‍ ഐറേനിയോസ് മെത്രാപ്പോലീത്താ പ്രസിദ്ധീകരിച്ചു.അഡ്വ. ബിജു ഉമ്മന്‍, പത്തനാപുരം മൗണ്ട് താബോര്‍ ദയറാ സെക്രട്ടറി ഫാ. ബെഞ്ചമിന്‍ മാത്തന്‍ എന്നിവര്‍ സന്നിഹിതരായിരുന്നു. ദേവലോകം കാതോലിക്കേറ്റ് ഓഫീസിലും സഭയുടെ ഔദ്യോഗിക വെബ്‌സൈറ്റിലും (www.mosc.in) ലിസ്റ്റ് പ്രസിദ്ധീകരിച്ചു.
അസോസിയേഷന്‍ ലിസ്റ്റ് സംബന്ധിച്ച് പരാതികള്‍ മെയ് 23-ന് മുമ്പായി അറിയിക്കണം. mosctribunal2022@gmail.com എന്ന മെയില്‍ ഐഡിയില്‍ പരാതികള്‍ അയക്കാവുന്നതാണ്. ഡോ. യാക്കോബ് മാര്‍ ഐറേനിയോസ് മെത്രാപ്പോലീത്തായുടെ അദ്ധ്യക്ഷതയില്‍ മെയ് 24, 27, 28, ജൂണ്‍ 1, 24, ജൂലൈ 20 എന്നീ തീയതികളില്‍ ട്രിബ്യൂണല്‍ യോഗം ചേര്‍ന്ന് പരാതികള്‍ തീര്‍പ്പാക്കും. അന്തിമ ലിസ്റ്റ് ജൂലൈ 4-ന് പ്രസിദ്ധീകരിക്കും. ലോകത്തിന്റെ വിവിധ ഭാഗങ്ങളില്‍ നിന്നായി നാലായിരത്തോളം പ്രതിനിധികള്‍ യോഗത്തില്‍ പങ്കെടുക്കും. വൈദിക ട്രസ്റ്റി, അത്മായ ട്രസ്റ്റി, അസോസിയേഷന്‍ മാനേജിങ് കമ്മറ്റി അംഗങ്ങള്‍ എന്നിവരെ മലങ്കര സുറിയാനി ക്രിസ്ത്യാനി അസോസിയേഷന്‍ യോഗത്തില്‍ തെരഞ്ഞെടുക്കുമെന്ന് അസോസിയേഷന്‍ സെക്രട്ടറി അഡ്വ. ബിജു ഉമ്മന്‍ അറിയിച്ചു.
പുത്തൂർ: മലങ്കര ഓർത്തഡോക്സ് സഭ കൊല്ലം മെത്രാസന ബാലസമാജം വാർഷിക സമ്മേളനം പുത്തൂർ കാരിക്കൽ സെന്റ് ജോർജ്ജ് ഓർത്തഡോക്സ് പള്ളിയിൽ വച്ച് നടന്നു.കൊല്ലം മെത്രാസന മെത്രാപ്പോലീത്ത അഭിവന്ദ്യ സഖറിയാ മാർ അന്തോണിയോസ് മെത്രാപ്പോലീത്ത അദ്ധ്യക്ഷത വഹിച്ചു. ബാലസമാജം കേന്ദ്ര പ്രസിഡന്റ് അഭിവന്ദ്യ അലക്സിയോസ് മാർ യൗസേബിയോസ് മെത്രാപ്പോലീത്ത ഉദ്ഘാടനം ചെയ്തു. ഫാ. ടോണി എം. യോഹന്നാൻ ക്ലാസ് നയിച്ചു. ബാലസമാജം കേന്ദ്ര പ്രസിഡന്റ് ആയി നിയമിതനായ അഭിവന്ദ്യ യൗസേബിയോസ് തിരുമേനിയെ അനുമോദിച്ചു. ഫാ. ഇ. പി. വർഗ്ഗീസ്, ഫാ. സോളു കോശി രാജു, ഫാ. ജോയിക്കുട്ടി, ഫാ. മാത്യൂ അലക്സ്, അഭിഷേക് തോമസ്,ഡോ. സൂസൻ അലക്സാണ്ടർ, ബിജു ബേബി എന്നിവർ പ്രസംഗിച്ചു.
കോട്ടയം: മാനവികതയുടെ പ്രവാചകനും കാരുണ്യത്തിന്റെ വറ്റാത്ത ഉറവയുമായിരുന്നു പരിശുദ്ധ പൗലോസ് ദ്വിതീയന്‍ കാതോലിക്കാ ബാവാ എന്ന് പത്മഭൂഷണ്‍ ഡോ. കെ. എസ്. ചിത്ര അനുസ്മരിച്ചു. പരിശുദ്ധ പൗലോസ് ദ്വിതീയന്‍ കാതോലിക്കാ ബാവായുടെ സ്മരണാര്‍ത്ഥം കെ. എസ്. ചിത്ര ആലപിച്ച ഗാനോപഹാരം ദേവലോകത്തെ പരിശുദ്ധ ബാവായുടെ കബറിങ്കല്‍ വച്ച് പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവായ്ക്കു നല്കി പ്രകാശനം ചെയ്തു സംസാരിക്കുകയായിരുന്നു കെ. എസ്. ചിത്ര.
മലങ്കര ഓര്‍ത്തഡോക്‌സ് സുറിയാനി സഭയുടെയും, കാലം ചെയ്ത പൗലോസ് ദ്വിതീയന്‍ ബാവായുടെയും ആത്മ മിത്രമാണ് കെ. എസ്. ചിത്രയെന്നും, സഭയുടെ ജീവകാരുണ്യ പദ്ധതികള്‍ക്ക് അവര്‍ നല്കികൊണ്ടിരിക്കുന്ന പിന്തുണ വിലമതിക്കാനാവാത്തതാണെന്നും പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ പറഞ്ഞു.
ഫാ. ബിജു മാത്യു പുളിയ്ക്കലിന്റെ വരികള്‍ക്ക് പ്രശസ്ത സംഗീതജ്ഞന്‍ രഞ്ജിത്ത് വാസുദേവാണ് സംഗീതം നല്‍ക്കിയിരിക്കുന്നത്. അസോസിയേഷന്‍ സെക്രട്ടറി അഡ്വ. ബിജു ഉമ്മന്‍, പ്രോഗ്രാം കോ-ഓര്‍ഡിനേറ്റര്‍ ചെറിയാന്‍ തോമസ്, ദേവലോകം അരമന മാനേജര്‍ ഫാ. യാക്കോബ് തോമസ് എന്നിവര്‍ ചടങ്ങില്‍ പ്രസംഗിച്ചു.
MUSCAT: HH Baselios Marthoma Mathews III, Catholicos of the East, and Malankara Metropolitan, has concluded his maiden two-week apostolic visit to the Mar Gregorios Orthodox Maha Edavaka (MGOME), Muscat. Delivering the blessing address at a reception in his honour on Easter day, the Catholicos called upon all religions to come together for a common cause to remove injustice in the society and promote justice. His Holiness also called upon all religions to come under a wider ecumenism towards fulfilling these aims. He said the Malankara Orthodox Syrian Church through its new ‘Sahoodaran’ charity project aims to project the message of ‘universal brotherhood’. “One day, we will be able to realise a golden future where all can live peacefully without any form of rivalry and injustice,” the Catholicos noted. His Holiness was the chief celebrant for the Holy Week services at the Maha Edavaka during his visit to the Sultanate of Oman after his enthronement as the Supreme Head of the Malankara Orthodox Syrian Church of India.
HE Amit Narang, Ambassador of India, Sultanate of Oman, who was the chief guest at a reception, hailed the contributions of the Indian Orthodox Church all over the world for its rich contributions and towards maintaining its identity. He recalled the Malankara Orthodox church which has its origins in the missions of St Thomas the Apostle in the first century. The Ambassador was presented with a traditional memento by the Catholicos. MGOME Vicar/President Fr Varughese Tiju Ipe in his presidential address hailed the philanthropic qualities of His Holiness as he considers ‘humanity as a universal brotherhood.’ His Holiness had launched 18 charitable projects in the 1990s which were still going strong by serving the society untiringly. He also mentioned the Muscat church which has reached a milestone in its Golden Jubilee year and is still continuing its journey of rendering help to many faithful in the desert land. “An important task to be performed is the sanctification of the church and the land (koodosh) and let the Lord Almighty bless us in this venture,” the Vicar added. Among those who addressed the audience included Rev Justin Meyers, Executive Director, Al Amana Centre, Ahmed Rayees, CEO, Al Dastoor and KMCC Oman Central Committee President, Diocesan Council member Dr Geevarghese Yohannan, Chairman, MGM Group of Educational institutions and chairperson of the golden jubilee celebrations, Kiran Asher, group managing director, Al Ansari Group of Companies and board member, management of Hindu temples. Associate Vicar Fr Abey Chacko, read out the address of Dr Geevarghese Mar Yulios, Ahmedabad Diocese Metropolitan, (in absentia) as the bishop led Passion Week services at St Mary’s Orthodox Church, Houston, Texas. Earlier, Jabson Varghese, Hon Trustee, MGOME, delivered the welcome address. Senior choir of MGOME sang national anthems of both Sultanate of Oman and India before the programme began. Among those present included Fr Dennies K Daniel, Vicar, St Mary’s Orthodox Church, Ghala, Fr Basil Thomas, Vicar, St Stephen’s Orthodox Church, Fr Baiju Johnson, Personal Secretary to His Holiness, Fr Sijin Mathew, Vicar, St George Orthodox Church, Sohar, Fr Anil Thomas, Vicar, CSI Church, Fr Sajan Varghese, Vicar, Marthoma Church in Oman, Fr Philip Nellivala, Fr Basil Varghese, Fr K G Thomas, Dr Chona Thomas, Diocesan Council member, Thomas Daniel, Sabha Managing Committee member, Abraham Mathew, Golden Jubilee General Convenor, Binu Joseph Kunchattil, Co-Trustee, Joseph Varghese, Hon Secretary, MGOME managing committee members and others. Compering was carried out by John P Luke, Molly Mathew and Jessy Koshy. The function concluded with a vote of thanks and prayers.
വനപാലകരുടെ കസ്റ്റഡിയിലിരിക്കെ പത്തനംതിട്ട ചിറ്റാർ സ്വദേശി മത്തായിയെ ദുരൂഹസാഹചര്യത്തിൽ കിണറ്റിൽ മരിച്ച നിലയിൽ കണ്ടതിന്റെ സത്യാവസ്ഥ സി.ബി.ഐ അന്വേഷണത്തിലൂടെ പുറത്തുവന്നതിൽ സന്തോഷമുണ്ടെന്ന് മലങ്കര ഓർത്തഡോക്സ് സഭാ വക്താവ് ഫാ. ഡോ. ജോൺസ് എബ്രഹാം കോനാട്ട് . കുറ്റക്കാർക്ക് തക്കതായ ശിക്ഷ സംസ്ഥാന സർക്കാർ ഉറപ്പാക്കുമെന്നാണ് പ്രതീക്ഷ. നിരന്തരമായ പ്രതിഷേധ സമരങ്ങളുടെ പരിണിതഫലമായിട്ടാണ് ഇപ്പോൾ കൃത്യമായ നടപടി ഉണ്ടായതെന്നും അദ്ദേഹം പറഞ്ഞു.
